einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec9732 ze handen sich dô viengendie vrouwen unde giengen dâ si ir herren vunden. vor vreuden si kunden diz niht langer verdagen, 9737 si enmüesten offenlîche sagen daz si genifteln wæren. nâch disen niuwen mæren jâhen si alle gelîche daz si got wunderlîche 9742 zesamene hæte gesant in ein alsô vremdez lant. nû vuoren wîp unde man ûz dem boumgarten dan. diu houbet, als ir hôrtet sagen, 9747 diu drinne wâren abe geslagen, diu nam man abe den stecken - des êre got Êrecken -, unde wurden boten gesant nâch der phafheit in daz lant 9752 daz man si begrüebe nâch êren. |